2025 жылдың 9-сәуір күні Астана қаласы Әдістемелік орталығы 

“Мектепке дейінгі білім беру ұйымдары педагогтерінің оқу-әдістемелік материалдары мен бағдарламалары бойынша тәжірибені тарату” республикалық семинарын ұйымдастырды.

Семинарға  Түркістан облысы,Ордабас ауданы,Батыс Қазақстан облысы,Қызылорда қаласы өңірлері педагогтері,Астана Дарыны орталығы қатысты .

Әріптестер 3 өңірге бекітілген авторлық бағдарлама немесе әдістемелік бойынша тәжірибесімен таныстырды.МКҚК 7"Аққу" балабақшасынан меңгеруші Жамалиева Кенжетай Сагиндыковна, педагог-зерттеуші Мукажанова  Гульмира Кенесовна

“Метеоалаңдағы зерттеу іс-әрекеті”әдістемелік нұсқаулығымен  таныстырып,тәжірибе бөлісті

Әдістемелік нұсқаудың мақсаты: мектеп жасына дейінгі балаларға 

экологиялық білім беру, танымдық және зерттеушілік әрекеті үшін ауа райы

платформасын құру, оларға ауа райының негізгі болжамын үйрету;

табиғаттың жалпыадамзаттық құндылығы туралы түсініктерін қалыптастыру;

табиғат: оның құрамдас бөліктері және олардың арасындағы байланыстар

туралы білімдер жүйесін меңгеру; еңбек жаратылыстану дағдыларын

қалыптастыру, экологиялық сананы тәрбиелеу.

Музыка жетекшісі  педагог-зерттеуші Тулегенова  Гульбану Аркабаевна "Мектепке дейінгі балаларға домбыра аспабын үйрету" авторлық бағдарламасымен таныстырды.

Бағдарламаның негізгі мақсаты - балалардың музыкалық қабілеттерін дамыту және ұлттық аспапта ойнау дағдыларын қалыптастыру арқылы қазақ халқының музыкалық мұрасын дәріптеу.